अष्ट्रेलियामा नेपालको दोस्रो जित, मेलबर्न रेनेगेट्सलाई ३३ रनले हरायो

काठमाडौँ – अष्ट्रेलियाको नर्दन टेरिटोरीमा जारी टप एण्ड टी–२० सिरिजमा नेपालले दोस्रो जित हात पारेको छ । आफ्नो पाँचौँ खेलमा नेपालले बुधबार मेलबर्न रेनेगेड्स एकेडेमीलाई ३३ रनले हराएको हो ।

डार्विनको पार्मस्र्टनस्थित काजालिस एरेनामा जारी खेलमा टस जितेर पहिले ब्याटिङ गरेको नेपालले निर्धारित २० ओभरमा नौ विकेट गुमाएर एक ३९ रनको योगफल बनाएको हो । जवाफी ब्याटिङमा उत्रिएको मेलबर्न निर्धारित २० ओभरमा सबै गुमाउँदै १०६ रनमै अलआउट भएको हो ।

मेलबर्नका लागि अर्जुन नायरले सर्वाधिक २६ रन बनाए भने जय लेमिरेले १८, ह्यारी डिक्सनले १६ तथा ओलिभर पिकले १४ रन बनाउनु बाहेक अन्यले दोहोरो अंक छुन सकेनन् । मेलबर्नलाई सस्तैमा समेट्ने क्रममा सोमपाल कामीले सर्वाधिक ५ विकेट चट्काए । सो क्रममा ३.५ ओभरमा उनले रन खर्चिए । यस्तै कुशल भुर्तेललेले २, साहब आलम,  समान १–१ विकेट हात पारे ।

यसअघि ब्याटिङतर्फ नेपालका लागि कुशल मल्लले सर्वाधिक २९ रनको योगदान दिएका छन् । उनले २२ बलमा एक चौका र एक छक्कासहित सर्वाधिक २९ रन बनाएका हुन् ।

त्यसैगरी दीपेन्द्रसिंह ऐरीले २८ बलमा २७ रन बनाउदाँ लोकेश बमले १६ बलमा २४ रन जोडे । भीम सार्कीले १७ तथा आरिफ शेख र रुपेश सिंहले समान १२र१२ रन बनाए ।

बलिङतर्फ रेनेगेड्सका फर्गस ओनिल, लचलान बाङ्स, क्यालम स्टो र माइकल आर्चरले समान २–२ विकेट लिए । नेपालले आज कप्तान रोहित पौडेल, स्टार बलर सन्दीप लामिछानेलाई आराम दिएको थियो ।