काठमाडौं– श्रम तथा रोजगार मन्त्री गोकर्ण बिष्टले रोजगारी सृजनाका लागि आवश्यक नीति बनाउने प्रतिबद्धता ब्यक्त गरेका छन् ।
मन्त्री विष्टले रोजगारी सृजनाको आधार तय गर्न सरकारले गम्भीरताका साथ अध्ययनको कामलाई अघि बढाएको पनि स्पष्ट पारे । मंगलबार आफ्ना भावी योजनाबारे सञ्चारकर्मीहरुसँग अन्तरक्रिया गर्दै उनले बेरोजगारी समस्यालाई न्यूनिकरण गर्दै लैजाने योजना पनि अघि सारे ।
मन्त्री बिष्टले मुलुकमा विद्यमान स्रोत र साधनको उचित परिचालन गरी रोजगारी सृजनाको आधारको खोजी हुने तर्क गरे । उनले श्रममैत्री कानुन निर्माणलाई सरकारले उच्च प्राथमिकता दिने पनि बताए । मन्त्री विष्टले वैदेशिक रोजगारलाई सरल, पारदर्शी र विश्वसनीय बनाउने गरी विद्यमान ऐनलाई सामयिक बनाउने घोषणा पनि गरे ।
