सुनको मूल्यमा नयाँ रेकर्ड, तोलाको २ लाख ४० हजार ४०० रुपैयाँ पुग्यो

काठमाडौं– सोमबार सुनको मूल्यले नयाँ रेकर्ड बनाएको छ । आज सुन तोलामा २ हजार ४०० रुपैयाँले बढेर हालसम्मकै उच्च मूल्यमा पुगेको हो ।

नेपाल सुनचाँदी ब्यवसायी महासंघका अनुसार आज सुन प्रतितोला २ लाख ४० हजार ४०० रुपैयाँमा कायम रहेको जनाएको छ ।

हिजो छापावाला सुन प्रतितोला २ लाख ३८ हजार रुपैयाँ र चाँदी प्रतितोला ३ हजार १ सय २५ रुपैयाँ प्रतितोलामा कारोबार भएको थियो ।

आज चाँदीको मूल्य पनि तोलामा ९५ रुपैयाँले बढेर प्रतितोला ३ हजार २ सय २० रुपैयाँमा पुगेको छ ।