मोरङमा ब्राउन सुगर सहित दुई जना पक्राउ

मोरङ — मोरङको विराटनगर–१३ बाट प्रहरीले लागू औषध ब्राउन सुगर सहित दुई जनालाई पक्राउ गरेको छ।

मंसिर ९ गते लागू औषधको बेचबिखन भइरहेको भन्ने विशेष सूचनाका आधारमा इलाका प्रहरी कार्यालय रानी र लागू औषध नियन्त्रण ब्युरो विराटनगरबाट खटिएको संयुक्त टोलीले चेकजाँचका क्रममा जहदा गाउँपालिका–१ का उपेन्द्र यादव र अजय कुमार यादवलाई नियन्त्रणमा लिएको हो।

पक्राउ परेकाहरूको साथबाट ७६ ग्राम ५० मिलिग्राम ब्राउन सुगर बरामद गरिएको प्रहरीले जनाएको छ। प्रहरीले उनीहरूलाई आवश्यक अनुसन्धान तथा कारबाहीका लागि थप अनुसन्धान गरि रहेको छ।