आइपीएल : कोलकातामाथि पुने चार विकेटले विजयी

काठमाडौँ– भारतमा जारी १० औँ संस्करणको आइपीएल अन्र्तगत हिजो राति भएको खेलमा राइजिङ पुने सुपरजायन्ट्सले इन्डियन प्रिमियर लिग (आईपीएल) मा कोलकाता नाइटराइडर्समाथि चार विकेटको रोमाञ्चक जित निकालेको छ ।

पहिले ब्याटिङ गरेको कोलकाताले २० ओभरमा आठ विकेट गुमाएर १ सय ५५ रन बनाएको थियो । जवाफमा पुनेले १९।२ ओभरमा छ विकेट गुमाएर १ सय ५८ रन बनायो ।

विजयी टिमका लागि राहुल त्रिपाठीले सर्वाधिक ९३ रन बनाए । उनले यसका लागि ५२ बलको मात्र सामना गरे र नौ चौका तथा सात छक्का प्रहार गरे ।