एनआईसी एशिया बैंकका ग्राहकलाई दिल्लीस्थित अपोलो हस्पिटलमा उपचार गर्दा १० प्रतिशतसम्म छुट पाइने

कठमाडौँ – एन आई सी एशिया बैंक लिमिटेड र इन्द्रप्रस्थ मेडिकल कर्पोरेसन लिमिटेड (अपोलो हस्पिटल), नयाँ दिल्ली, भारत बीच यस बैंकका ग्राहकहरूलाई स्वास्थ्य उपचारमा विशेष छुट उपलब्ध गराउने सम्बन्धमा समझदारी पत्रमा हस्ताक्षर भएको छ ।

उक्त समझदारी पत्रमा बैंकको तर्फबाट सहायक प्रमुख कार्यकारी अधिकृत राजेश रावल र इन्द्रप्रस्थ मेडिकल कर्पोरेसनका तर्फबाट प्रबन्धक विपिन शर्माज्यूले हस्ताक्षर गरेका छन् ।
यस बैंकका ग्राहकहरुले इन्प्यासेन्ट रुम चार्ज, प्रिभेन्टिभ हेल्थ चेकअप क्याकेज, र एटेन्डिज हेल्थ चेकअप सेवाहरुमा १० प्रतिशत छुट सुविधा उपयोग गर्न सक्नेछन् ।

यस्तै आउट प्यासेन्ट इनभेस्टिगेसनमा ५ प्रतिशत छुट सुविधा उपलब्ध रहेको छ । साथै कम्प्लिमेन्टी रजिस्ट्रेसन शुल्क, एक्सेस टु इन्टरनेसनल प्यासेन्ट लाउन्ज जस्ता सुविधाहरु समेत उपलब्ध हुनेछन् । यसैगरी, काठमाडौं स्थित अपोलो इन्फर्मेसन सेन्टर मार्फत अपोइन्मेन्ट लिने बैंकका ग्राहकहरुलाई नयाँ दिल्लीको एयरपोर्टबाट होटल÷हस्पिटलसम्मको लागि यातायातको थप सुविधा समेत उपलब्ध हुनेछ ।

उक्त सुविधाको उपयोग गर्न ग्राहकहरुले यस बैंकको डेबिट कार्ड वा क्रेडिट कार्ड प्रयोग गरी भुक्तानी गर्नुपर्ने छ । उक्त हस्पिटलसँगको यस सहकार्यले यस बैंकका ग्राहकहरुलाई स्वास्थ्य उपचारमा सहुलियत हुने बैंकले विश्वास लिएको छ ।