काठमाडौं – नेपाल प्रहरीले अप्रिल फुलको अवसरमा सचेतना अभियान चलाएको छ ।
ADVERTISEMENT
प्रहरीले आफ्ना सामाजिक सञ्जालमा एउटा क्युआर कोड सार्वजनिक गरेको छ, जसमा ‘तपाईंविरुद्ध कतै कुनै उजुरी वा निवेदन परेको त छैन ?’ भनेर हेर्न भनेको छ ।
ADVERTISEMENT
त्यसपछि क्युआर कोड स्क्यान गरेपछि सचेतना सन्देश देखिने बनाएको छ । ‘तपाईंले स्क्यान गर्नुभएको QR CODE सचेतना अभियानको लागि हो’, प्रहरीले लेखेको छ, ‘आज हामीले मजाक गरेका थियौं……तर भोलि यस्तै QR बाट तपाईं SCAM मा पनि पर्न सक्नुहुन्छ ।’
प्रहरीले आफूले नचिनेको व्यक्ति वा अज्ञात स्रोतबाट प्राप्त भएको QR CODE स्क्यान नगर्न र स्क्यान गर्नुअघि भेरिफाइ गर्न अनुरोध गरेको छ ।
