काठमाडौं – पूर्वाधार बिकास मन्त्री सुनिल लम्सालले मुलुकको निर्माण क्षेत्रमा बहुवर्षीय बजेट प्रणालीलाई प्राथमिकता दिएको बताएका छन्।
ADVERTISEMENT
बिहीबार प्रतिनिधिसभा बैठकमा आफ्नो मन्त्रालयको बिनियोजन विधेयकमाथिको छलफलका क्रममा मन्त्री लम्सालले बहुवर्षीय बजेट प्रणालीलाई प्राथमिकता दिएका कारण पहिलो बर्ष केहि आयोजनामा बजेट कम भएको जस्तो देखिएको बताएका हुन् ।
ADVERTISEMENT
उनले पहिलो बर्षमा आयोजनाहरुमा छुट्टाइएको बजेट कम भए रकमान्तर गरेर भएपनि पूर्ति गरिने उल्लेख गरेका छन् ।
मन्त्री लम्सालले मन्त्रालयको बजेट करिव ३ खर्बको रहेपनि आगामी आर्थिक बर्षमा १० खर्ब रुपैयाँ बराबरका ठेक्का आह्वान गर्ने लक्ष्य रहेको बताएका छन् ।
उनले संघीय सरकारको क्षेत्रमा पर्ने सडक निर्माणका लागि प्रयाप्त बजेट बिनियोजन भएको र सांसदहरुको मागका आधारमा सवै क्षेत्रलाई प्राथमिकता राखेको धारणा राखेका छन् । काम नगर्ने ठेकेदारको खुट्टा भाच्ने अभिव्यक्तिप्रति मन्त्री लम्सालले ठेकेदार कम्पनीलाई जिम्मेवार बनाउने प्रयास मात्रै आफुले गरेको र कसैलाई दुख दिने आशय नभएको स्पष्ट पारेका छन्।
उनले ठेकेदार कम्पनीले समयमा नै काम नगर्दा ठेक्का रद्द गर्नुपर्ने र यसका कारण समय र स्रोत समेत खेर जाने अवस्था आउनसक्ने भएकाले सचेत गराएको बताएका छन्।
