काठमाडौं – नेपाली कांग्रेसले सभापतिको नेमप्लेट र पार्टीको लेटरप्याड अनाधिकृत रूपमा प्रयोग भएको बिषयमा ध्यानाकर्षण भएको जनाएको छ ।
ADVERTISEMENT
शुक्रबार पार्टी कार्यालय सानेपामा बसेको कांग्रेस केन्द्रीय अनुशासन समितिको वैठकले संस्थापन इतर समूहको गतिविधिमाथि आपत्ति जनाउदै सभापतिको नेमप्लेट र पार्टीको लेटरप्याड अनाधिकृत रूपमा प्रयोग भएकोका बिषयमा ध्यानाकर्षण भएको जनाएको जनाएको हो ।
ADVERTISEMENT
कांग्रेस केन्द्रीय अनुशासन समितिका संयोजक तारामान गुरुङले संस्थापनइतर समूहको कार्यालयमा राखिएको सभापतिको नेमप्लेट तथा पार्टीको लेटरप्याड अनाधिकृत रूपमा प्रयोग गरेको बताए । पार्टीका नेता तथा कार्यकर्ताहरूलाई आँच आउने गरी गलत आरोप र शब्दहरू प्रयोग गरिएकोमा समेत अनुशासन समितिले रेकर्ड सङ्कलन गरिरहेको उनले जानकारी दिए ।
संयोजक गुरुङले निर्वाचनका क्रममा भएका अनुशासनहीन गतिविधिहरूका सम्बन्धमा समितिमा हालसम्म प्राप्त ७५४ वटा निवेदन अनुसन्धानको क्रम जारी रहेको बताए । महाधिवेशन प्रक्रिया सुरु भइसकेकाले वडा अधिवेशन सुरु हुनुअगावै यसबारे उचित निर्णय गरिने उनको भनाइ छ ।
उहाले असोज १६ देखि १९ गतेभित्र केन्द्रीय महाधिवेशन सम्पन्न गर्ने गरी कार्यतालिका अगाडि बढाइएको जानकारी समेत दिए ।
