भोटेकोशी बाढीको असर धादिङ–चितवनसम्म, तटीय क्षेत्रमा उच्च जोखिम

काठमाडौं- भोटेकोशी नदीमा आएको भीषण बाढीको असर धादिङ र चितवनका तटीय क्षेत्रमा समेत परेको छ। बाढीका कारण धादिङका विभिन्न स्थानमा पक्की पुलमा क्षति पुगेको छ भने तटीय क्षेत्रका बस्तीहरू डुबानमा परेका छन्।

भोटेकोशी हुँदै त्रिशूली नदीमा आएको बाढी तल्लो तटीय क्षेत्रमा फैलिँदै गएपछि धादिङ, नुवाकोट, गोरखा र चितवनका नदी किनारका बस्तीमा जोखिम बढेको हो। प्रशासनले नदी आसपासका बासिन्दालाई उच्च सतर्कता अपनाउँदै सुरक्षित स्थानमा रहन आग्रह गरेको छ।

जलविज्ञान तथा मौसम विज्ञानसम्बन्धी निकायले भोटेकोशी बाढीको जोखिम केही समयसम्म कायम रहने पूर्वानुमान गरेको छ। जोखिम कायमै रहेकाले तटीय क्षेत्रमा रहेका बासिन्दालाई विशेष सावधानी अपनाउन र सम्भावित जोखिमबाट बच्न आग्रह गरिएको छ।