जलवायु संकट सामना गर्न नेपाल–भारत–चीन सहकार्य आवश्यक : सभापति लामिछाने

काठमाडौं- राष्ट्रिय स्वतन्त्र पार्टी (रास्वपा)का सभापति रवि लामिछानेले जलवायु परिवर्तनको असर न्यूनीकरण गर्न नेपाल, भारत र चीनबीच सहकार्य आवश्यक रहेको बताएका छन्।

काठमाडौंमा आयोजित कार्यक्रममा बोल्दै लामिछानेले तीनै देश एउटै हिमालय पर्वतीय प्रणालीसँग जोडिएकाले जलवायु संकटलाई साझा चुनौतीका रूपमा लिनुपर्ने बताए।

उनले हिमालय क्षेत्रमा भइरहेको परिवर्तनको गति तीनै देशका संस्थागत परिवर्तनभन्दा तीव्र रहेको उल्लेख गरे। नदीहरू सीमाभन्दा माथिबाट सुरु भएर अर्को देश हुँदै बग्ने भएकाले जलस्रोत, वातावरण संरक्षण र विपद् व्यवस्थापनमा समेत तीन देशबीच समन्वय आवश्यक रहेको उनको भनाइ छ।