भरतपुरको मतगणना सुचारु गर्न भन्दै एमालेद्वारा संसद् अवरुद्ध, अर्को बैठक भोलि १ बजे बस्ने

काठमाडौँ– प्रमुख प्रतिपक्ष नेकपा एमालेले आजपनि संसद अवरोध गरेको छ । भरतपुर महानगरपालिकाको मतगणना सुचारु गराउन ध्यानाकर्षण गराउँदै एमालेले संसद अवरोध गरेको हो ।

एमालेले संसद अवरोध गरेपछि भोलि जेठ १८ गते बीहिबार १ बजेसम्मका लागि बैठक स्थगित भएको छ । संसदमा बोल्दै नेकपा एमालेका नेता सुरेन्द्र पाण्डेले भरतपुर महानगरपालिकाको मतगणना पुःन सुचारु गर्न ध्यानाकर्षण गराएका थिए।

पाण्डेले भरतपुरमा फेरी चुनाव गराए गलत नजिर बस्ने भएकाले त्यसो नगर्न आग्रह गरेका थिए। यदी निर्वाचन भए निर्वाचन आयोगले पाँच वर्षसम्म परिणाम नआउने निर्वाचन गराइरहनुपर्ने र हार्ने परिस्थिति आए मतपत्र च्यात्न दल उत्प्रेरित हुने भएकाले घातक हुने बताए। च्यातिएका मतपत्र पनि जोडेर हेर्न सकिने आयोगले निर्देशिका बनाएको र त्यसैअनुरुप मतगणाना तत्काल सुचारी गर्न उनले आग्रह गरे।

संसदमा सभामुख ओनसरी घर्तीले प्रतिपक्षको कुरामा आफ्नो ध्यानाकर्षण भएको भन्दै संसद अवरोध नगर्न आग्रह गरेकी थिइन् । अाजको बैठकमा अर्थमन्त्री कृष्णबहादुर महराले सोमबार प्रस्तुत गरेको अार्थिक वर्ष २०७४/०७५ को बजेटबारे छलफल गर्ने कार्यसूची थियो।