काठमाडौं– नयाँ शक्ति पार्टी नेपालले निर्मला पन्तको हत्यामा संलग्नलाई हदैसम्मको कारवाही माग गरेको छ । साथै निर्मलाको हत्यामा संलग्नलाई कारवाहीको माग गर्दै भएको प्रदर्शनमा प्रहरीले गोली चलाउँदा १७ वर्षीय एक किशोरको मृत्यु भएको घटनाको घोर भर्तसना पनि गरेको छ ।


ADVERTISEMENT


नयाँ शक्ति पार्टी नेपालका संयोजक डा. बाबुराम भट्टराईले शनिबार बिहान ट्वीट गर्दै निर्मला पन्तको जस्तो नियती कसैले भोग्नु नपरोस् भनेका छन् । उनले समाजमा निर्धक्क र सुरक्षित भएर बाँच्न पाउने न्याय र अधिकारको लडाइँमा आफूले सधैं साथ दिने बताएका छन् ।


ADVERTISEMENT

# # #


उनले ट्वीटरमा लेखेका छन्, ‘निर्मला पन्तको जस्तो नियति कसैले भोग्नु नपरोस्, हत्यारालाई कठघरामा उभ्याएर हदैसम्मको कारवाही गरियोस् । हाम्रा आमा, दिदीबहिनी, छोरी चेलीले यो समाजमा निर्धक्क र सुरक्षित भएर बाँच्न पाउने न्याय र अधिकारको लडाइँमा मेरो सधैँ साथ, समर्थन र सहयोग रहनेछ ।’

निर्मला पन्तको जस्तो नियति कसैले भोग्नु नपरोस्, हत्यारालाई कठघरामा उभ्याएर हदै सम्मको कारवाही गरियोस् । हाम्रा आमा, दिदीबहिनी, छोरी चेलीले यो समाजमा निर्धक्क र सुरक्षित भएर बाँच्न पाउने न्याय र अधिकारको लडाइँमा मेरो सधैँ साथ, समर्थन र सहयोग रहनेछ ।

यसैबीच नयाँ शक्ति पार्टीका प्रकाशन विभाग प्रमुख विश्वदीप पाण्डेले शनिबार प्रेस विज्ञप्ति जारी गरी किशोरी बलात्कार र हत्याको घटनाको छानविन गरी अपराधीलाई कारवाही गर्ने काममा द्रुतरुपमा लाग्न सरकारसँग माग गरेका छन् । साथै प्रहरीको गोली लागी मृत्यु भएका सनि खुनाको परिवारलाई क्षतिपूर्ति प्रदान गर्न र घाइतेहरुको शीघ्र उपचार गर्न पनि नयाँ शक्तिले माग गरेको छ ।

कर्फ्यू दीर्घकालीन समस्याको समाधान नभएकोतर्फ सरकारको ध्यानाकर्षण पनि गराइएको छ ।

पाण्डेले विज्ञप्तिमा लेखेका छन्, ‘परिस्थितिलाई साम्य पार्न भन्दै स्थानीय प्रशासनले अनिश्चितकालीन कर्फ्यू आदेश जारी गरेको छ । कर्फ्यू आदेश दीर्घकालीन समाधानको उपाय नभएकोले किशोरी बलात्कार र हत्याको घटनाको छानविन गरी अपराधीलाई कारवाही गर्ने काममा द्रूतरुपमा लाग्न सरकारसँग नयाँ शक्ति पार्टी, नेपाल जोडदार माग गर्दछ ।’