मनाङ मर्स्याङ्दी क्लबलाई सिग्नेचरको मुख्य प्रायोजन

काठमाडौँ– मनाङ मस्र्याङ्दी क्लबलाई सिग्नेचरले मुख्य प्रायोजन गरेको छ। घरेलु फुटबलको सर्वाधिक सफल क्लब मनाङलाई प्रिमियम ह्विस्की ब्रान्ड सिग्नेचरले बिहिबार एक कार्यक्रममार्फत २५ लाख रूपैयाँबराबरको प्रायोजन सम्झौता गरेको हो ।

मनाङका अध्यक्ष मुखिया कान्छा गुरूङ र नेपाल लिक्वर्स प्रालिका कार्यकारी अध्यक्ष राजेशवीर सिंह तुलाधारले बिहिबार सम्झौता पत्रमा हस्ताक्षर गरेका छन् ।

यो सँगै अब क्लबको नाम सिग्नेचर मनाङ मर्स्याङ्दी क्लब हुनेछ। र क्लबले राष्ट्रिय तथा अन्तर्राष्ट्रिय प्रतियोगितामा भाग लिँदा सिग्नेचर अंकित जर्स प्रयोग गर्नुपर्नेछ। डिफेन्डिङ च्याम्पियनसमेत रहेको मनाङले सबैभन्दा बढी ६ पटक ए डिभिजन लिग जितेको छ।

सिग्नेचरले यसअघि गत जेठमा प्रधानमन्त्री एक दिवसीय क्रिकेट प्रतियोगितालाई पनि मुख्य प्रायोजन गरेको थियो ।