काठमाडौँ– दशैँ सकिएसंगै सार्वजनिक भएको पूर्वप्रधानन्याधीश गोपाल प्रसाद पराजुलीको एक तस्बिरले चर्को आलोचना खेपेको छ ।
राष्ट्रपति विद्यादेवी भण्डारीका सामु दशैंको टीका थाप्न दुबै घुँडा टेकेर खडा भएका पूर्व प्रधानन्यायाधीश पराजुलीको यो तस्बिर अहिले सामाजिक सञ्जालमा निकै नै भाइरल भइरहेको छ ।
दशैंमा राष्ट्रपतिको कार्यालय शीतल निवासमा आयोजना गरिएको टीका ग्रहण कार्यक्रममा थुप्रै नेता, कार्यकर्ता तथा सरकारी अधिकारीहरु उपस्थित भएका थिए । सबैले राष्ट्रपति भण्डारीबाट टीका थापे । तर, पूर्व प्रधानन्यायाधीश गोपाल पराजुलीले जुन किसिमबाट टीका थापे त्यसलाई लिएर अहिले सामाजिक सञ्जालका भित्ताहरुमा विभिन्न किसिमका टिकाटिप्पणी भइरहेका छन् ।
जसमा अधिकांशले राष्ट्रपतिका अघि एउटा मुलुकको प्रधानन्यायाधीश जस्तो गरीमामाय पद सम्हालिसकेको व्यक्तिले घुँडा टेक्नुले राजतन्त्र वा सामन्ती शासनको झझल्को दिएको भन्दै आलोचना भइरहेको छ ।
तस्बिरलाई लिएर कसले के भने ? हेर्नुस्
जुगल भुर्तेलको ट्वीटलाई रि–ट्वीट गर्दै पत्रकार विजय कुमार लेख्छन्, ‘यी सज्जनले जे गरे,सो गरे । गोर्कीले भनेका छन ‘घस्रन जन्मेको मान्छे उडन सक्दैन’ । तर सम्माननीय राष्ट्रपतिले पनि यी सज्जनलाइ , यो धनुष्टङकार मुद्रामा नबस्न आदेश हुनु पर्ने थियो। यी सज्जनले राष्ट्रपति पदको मान होइन , नेपाली गणतन्त्रको अपमान गर्दैछन भनेर बुझिनु पर्छ ।’
यी सज्जनले जे गरे,सो गरे । गोर्कीले भनेका छन ‘घस्रन जन्मेको मान्छे उडन सक्दैन’ । तर सम्माननिय राष्ट्रपतिले पनि यी सज्जनलाइ , यो धनुष्टङकार मुद्रामा नबस्न आदेश हुनु पर्ने थियो। यी सज्जनले राष्ट्रपति पदको मान होइन , नेपाली गणतन्त्रको अपमान गर्दैछन भनेर बुझिनु पर्छ । https://t.co/9rpYRe8659
— Vijay Kumar Panday (@Vijaykumarko) October 22, 2018
यस्तै पत्रकार रवी लामिछानेले गणतन्त्रमा पनि रैती नै हुन र बनाउन रुचाउने भन्दै आलोचना गरेका छन् । साथै उनले राष्ट्रपतिको सवारीमा बाटो रोकेर जनतालाई दुःख दिएको भन्दै आफू अब बाटोमा नरोकिने भन्दै चेतावनी दिएका छन् ।
तर, पराजुलीले भने सत्यतथ्य नबुझी यसरी विकृत तबरबाट फोटाहरु राखेर कसैको उपहास गर्नु कानून त अपराध हुने बताएका छन् ।
मार्क्स जीवित छँदै उनको नाउँमा गलत हर्कत गर्नेहरूलाई मार्क्सले भनेका थिए-If this is ‘Marxism’,I am no Marxist!अहिले नेपालको ‘कम्युनिष्ट’ सरकारलाई मार्क्सले हेरिरहेका भए भन्लान्-If this is ‘communism’,I am no communist! pic.twitter.com/8wYd3pSheJ
— Baburam Bhattarai (@brb1954) October 22, 2018
देशको पूर्व प्रधान न्यायधीसलाई घुडा टेकाएर दशैंको टिका लगाइदिने धृष्टता राजाहरूले समेत गरेका थिएनन्, तर यी गणतन्त्र नेपालकी राष्ट्रपतिलाई त्यो आँट कहाँबाट आयो..? यस्तो फोटोले न्यायलयमा के सन्देश जान्छ..?@Hello_Sarkar pic.twitter.com/WGnr3e3RJg
— ઠकुરી ભૉकेન્દ્ર💕 (@thakuri_loken) October 22, 2018
राजतन्त्रको दशैंको झझल्को आयो ! pic.twitter.com/6Mn2UGspYY
— Sudhamshu K.C. (@Drsudhamshu) October 21, 2018