कञ्चनपुर – बलात्कारपछि हत्या भएकी १३ वर्षकी बालिका निर्मला पन्तका बुवा यज्ञराज पन्तलाई निजी गाडी मार्फत काडमाडौँ लगिएको छ ।

असामान्य व्यवहार देखाएका पन्तलाई उपचारका लागि विमान मार्फत धनगढीबाट काठमाडौँ लैजाने तयारी भएको थियो । तर विमानले उनलाई लैजान नमानेपछि शनिबार राति निजी गाडी मार्फत काठमाडौँ लगिएको हो ।


ADVERTISEMENT

# # #


पन्तलाई सेती अञ्चल अस्पतालमा लगेर बेहोस बनाइ निजी गाडीमा राखेर उपचारका लागि काठमाडौँ लगिएको हो । पन्तसँगै डाक्टरहरु पनि काडमाडौँ गएका छन् । यस्तै प्रहरी पनि साथैमा गएको छ ।

प्रहरी सहायक निरीक्षक दीपक धामीको नेतृत्वमा तीन जनाको प्रहरी टोली र सेती अञ्चल अस्पतालका स्वास्थ्यकर्मी सुनिल विक टाेलीमा छन् । उक्त टोली अहिले लमही पुगेको छ ।

छोरीको हत्यारालाई कारवाहीको माग राख्दै धर्नामा बसेका यज्ञराजले धर्नास्थलमा बर्बराउने, अधिकारकर्मीहरुलाई समेत तथानाम गाली गर्ने, सडकमा जिन्दावाद र मुर्दावाद भन्दै एक्लै नारा लगाउने जस्ता क्रियाकलापहरु देखाउन थालेका थिए ।

उनलाई शनिबार जहाजबाट काठमाडौँ ल्याउन खोज्दा पनि धनगढी विमानस्थलमा असामान्य व्यवहार देखाएपछि उडानका लागि योग्य नरहेको भन्दै रोकिएको थियो । विमानस्थलमा उनले रुने कराउने, गालिगलौज गर्ने जस्ता क्रियाकलाप देखाएका थिए ।

प्रतिकृया

प्रतिकृया