संघीय संसद् पुस ११ देखि सुरु हुँदै

काठमाडौं : संघीय संसद्‍को हिउँदे अधिवेशन पुस ११ गतेदेखि सुरु हुने भएको छ।

सोमबारको मन्त्रिपरिषद् बैठकले हिउँदे अधिवेशन आह्वानका लागि राष्ट्रपति कार्यालयमा सिफारिस पठाएको संसद्‍ सचिवालय स्रोतले जानकारी दिएको छ।

मन्त्रिपरिषद्‍को सिफारिस अनुसार राष्ट्रपति विद्यादेवी भण्डारीले हिउँदे अधिवेशनको पहिलो बैठक पुस ११ गते दिउँसो ४ बजेका बैठक आह्वान गर्नेछिन्।
संसद् सचिवालयले बुधबार मात्र सूचना सार्वजनिक गर्ने तयारी गरेको छ। यो अधिवेशनलाई विधेयक अधिवेशनको रुपमा हेरिन्छ।