साफ महिला च्याम्पियन्सिप : पहिलो हाफअघि भारतले माल्दिभ्सविरुद्ध हान्यो पाँच गोल

विराटनगर – विराटनगरमा जारी साफ महिला च्याम्पियन्सिप फुटबल प्रतियोगितको दोस्रो खेलमा भारतले माल्दिभ्सविरुद्ध पहिलो हाफमै ५ गोलको अग्रता बनाएको छ ।

विराटनगरस्थित शहीद रंगशालामा भारतले सुरुमै आक्रमक प्रदर्शन गर्दै पहिलो हाफको १४ मिनेटमित्र तीन गोलको अग्रता बनाएको थियो । भारतका लागि पहिलो गोल खेलको आठौँ मिनेटमा ग्रासेई दाङ्गमैईले गरिन् ।

पहलो गोल गरेको पाँच मिनेट नबित्दै भारतका लागि स्विटी देवीले अर्को गोल थप्दै अग्रता २-० मा पुर्‍याइन् । त्यसपछि भारतका लागि खेलको २३ औँ मिनेटमा इन्दुमतिले गोल गर्दै अग्रता ३(० मा पुर्‍याएकी थिइन् ।

त्यसपछि भारतका लागि खेलको २७ औँ मिनेटमा सञ्जुले अर्को व्यक्तिगत गोल थप्दै ४-० को अग्रता दिलाइन् । भारत यतिमै रोकिनेवाला थिएन । उसका लागि पहिलो हाफमा पाँचौ गोल रतन्वाला देवीले गरिन् । मंगलबार भएको उद्घाटन खेलमा नेपाले भुटानलाई ३–० गोलअन्तरले पराजित गरेको थियो ।

महिला साफ च्याम्पियन्सिपमा भारत चार पटकको च्याम्पियन हो । यो पटक नेपाली चेलीहरुको टिमलाई पनि उपाधि दाबेदार मानिएको छ ।