काठमाडौँ – प्रधानमन्त्री केपी शर्मा ओलीले नेपालमा इतिहासमै कहिल्यै नभएको काम भएको दाबी गरेका छन् ।


ADVERTISEMENT


राजधानीको भृकुटीमण्डपमा पार्टीनिकट मजदुर संगठनको सभालाई बुधवार सम्बोधन गर्दै प्रधानमन्त्री ओलीले कतिपयलाई केही पनि भएन भन्ने आदत लागेको बताए । उनले भने, साच्चै केही नभएको हो र ? होइन । इतिहासमै कहिल्यै नभएको काम भएको छ ।’ उनले सरकारले हाँसिल गरेको आर्थिक वृद्धिदर राम्रो भएको जिकिर गरे।


ADVERTISEMENT

# # #


‘आर्थिक वृद्धिदरको आँकडा अन्तराष्ट्रिय हो। अहिलेको नेपाल हेरेर विश्व बैंकले ‘राइजिङ स्टार’ भनेको छ। यो विश्वास आँकडाका आधारमा जगाइएको हो,’ प्रधानमन्त्री ओलीले भने।

नेपालमा जस्तो मजदुर, रोजगारदाता र सरकारबीच मेलमिलाप अन्यन्त्र नपाइने उनको दाबी छ।

सरकारले राम्रो काम गर्न थालेपछि राजपाले समर्थन फिर्ता लिएको आरोप उनले लगाए । सरकारलाई समर्थन फिर्ता गर्ने होइन, समर्थन गर्न उनले आग्रह गरे । “राजेन्द्र महतोलाई सोध्न चाहन्छु– सीमाना नाका बन्द गरेर मुलुक बन्छ ? इन्धन बन्द गरेर, नागरिकलाई दुःख दिएर मुलुक बन्छ ?” जायजलाई जायज भन्न नसक्ने, आलोचना गर्ने रोग केहीलाई लागेको उनले बताए ।