काठमाडौँ – अमित श्रेष्ठको शतक र दीपेन्द्र ऐरीको घातक बलिङको मदतमा प्रधानमन्त्री एकदिवसीय क्रिकेट प्रतियोगितामा नेपाल पुलिस क्लबले दोस्रो जित हात पारेको छ । पुलिसले प्रदेश १ लाई ७५ रनले पराजित गरेको हो ।
ADVERTISEMENT
नेपाल पुलिस क्लबले प्रदेश नं १ लाई रनको मध्यम चुनौति दिएको छ । बुधबार भएको खेलमा कर्णाली प्रदेशलाई ९ विकेटले पराजित गरेको हो
ADVERTISEMENT
मुलपानी क्रिकेट मैदानमा टस जितेर ब्याटिङ थालेको पुलिसले अमित श्रेष्ठको शतकको मदतमा ४३.१ ओभरमा सबै विकेट गुमाउँदै १८५ रन बनायो ।१८६ रनको लक्ष्य पछ्याउँदै मैदान उत्रिएको प्रदेश १ ले ३८.३ ओभरमा सबै विकेट गुमाउँदै ११० रन मात्रै बनाउन सक्यो । उसका लागि सन्नी पुनले सर्वाधिक २७ रन बनाए । यस्तै मनिस थापाले १९ रन जोड्दा दिपेश कँडेल १५, फिरदोस अन्सारी १२ रनमा आउट हुँदा कप्तान पुष्प थापा १० रनमा पेवेलियन फर्किए ।
प्रदेश १ ब्याटिङलाई ध्वस्त बनाउन दीपेन्द्र सिंक ऐरीले उत्कृष्ट बलिङ गरे । १० ओभरमा ४ मेडेन राख्दै उनले २६ रन खर्चिएर ५ विकेट चट्काए । ललित नारायण राजवंशीले पनि ३ विकेट लिए । उनले ९.३ ओभरमा २ मेडेनका साथ २० रन खर्चिएर ३ विकेट लिए । सागर ढकाल र आरिफ शेखका नाममा समान १-१ विकेट रह्यो ।
यसअघि पुलिसका लागि पहिलो शतक हानेका अमितले ११८ बलमा १०६ रन बनाउँदा १५ चौका र एक छक्का हाने । यस्तै कुशल भुर्तेलले २४ रन बनाउँदा कप्तान मञ्जित श्रेष्ठ र रामनरेश गिरिले समान ११ रन बनाए । पवन सर्राफले १० रन जोडे ।
प्रदेश १ का लागि सिद्धान्त लोहनी, फिरोद अन्सारी, कमल खत्री, दिपेश कँडेल र पुष्प थापाले समान २-२ विकेट लिए ।
