गुठी विधेयकविरुद्ध माइतीघरमा विशाल प्रदर्शन (फोटो-भिडियो)

काठमाडौँ – चौतर्फी विरोध भएपछि गुठी सम्बन्धी विकधेयक सरकारले फिर्ता लिएपनि सरोकारवालाहरुले भने आन्दोलन जारी राखेका छन् ।

बुधबार माइतीघर मण्डलामा हजारौँको संख्यामा गुठी पक्षधरहरुले विशाल प्रदर्शन गरिरहेका छन् । गुठियार तथा नेवा देयः दबुलगायतको आह्वानमा गुठी विधेयक खारेजी माग गर्दै प्रदर्शन गरिएको हो।

‘नेवाः एकता जिन्दावाद’, ‘संस्कृतिमाथिको अतिक्रमण बन्द गर’, ‘गुठी विधेयक खारेज गर’, ‘हाम्रो संस्कृति कसैको दाइजो होइन’, ‘सम्पदा मास्न पाइँदैन’लगायतका प्लेकार्ड बोकेका सर्वसाधारणहरु प्रदर्शनमा उत्रिएका छन् ।

राष्ट्रियसभामा दर्ता गराइसकेको विधेयक सरकारले मंगलबार मात्रै फिर्ता लिएको थियो ।

तस्बिरहरु :