ओलीको ट्वीटबारे मोदीले दिए नेपालीमा जवाफ !

काठमाडौँ – आज पाँचौँ अन्तर्राष्ट्रिय योग दिवस । विश्वभर विभिन्न कार्यक्रम गरी योग दिवस मनाइँदैछ । यही अवसरमा नेपालमा पनि योग दिवसबारे कार्यक्रम आयोजना गरियो । कार्यक्रममा प्रधानमन्त्री ओली स्वयम् सहभागी भए ।

यस अवसरमा प्रधानमन्त्री केपी शर्मा ओलीले सामाजिक सञ्जाल ट्वीटरमा योग दिवसबारे शुभकामना दिए । उनले लेखका थिए, ‘विश्व योग दिवसका अवसरमा सम्पूर्ण दिदीबहिनी तथा दाजुभाइहरुमा हार्दिक शुभकामना व्यक्त गर्दछु । प्राच्य संस्कृतिको अनुपम उपलब्धि योग साधना मार्फत मन, वचन र कर्मले एकै स्थानमास्थित रही जीवनलाई स्वस्थ्य बनाउने सफलता मिलोस्, शुभकामना ।’

प्रधानमन्त्रीको ट्वीटलाई रिट्वीट गर्दै भारतीय प्रधानमन्त्री नरेन्द्र मोदीले समेत जवाफ फर्काए, त्यो पनि नेपाली भाषामा नै ।

ट्वीटमा भारतीय प्रधानमन्त्रीले प्रधानमन्त्री ओलीलाई नेपाली भाषामा नै धन्यवाद ज्ञापन गरेका छन् ।

उनले लेखेका छन्, ‘योगको विशिष्टतालाई उजागर गर्नुका साथै व्यक्तिगत रुपमा उपस्थित भई योग दिवस कार्यक्रमलाई सुशोभित गर्नु भएकोमा प्रधानमन्त्री ओलीज्यूलाई धन्यवाद ज्ञापन गर्दछु ।’

योगको विशिष्टतालाई उजागर गर्नुका साथै व्यक्तिगत रुपमा उपस्थित भई योग दिवस कार्यक्रमलाई सुशोभित गर्नु भएकोमा प्रधानमन्त्री ओलीज्यूलाई धन्यवाद ज्ञापन गर्दछु । #YogaDay2019 https://t.co/nya3OGlE2z

— Narendra Modi (@narendramodi) June 21, 2019