Author: Himalaya Post

काठमाडौं- राष्ट्रपति रामचन्द्र पौडेलले नयाँ पुस्ताको चाहना र आकांक्षालाई सम्बोधन गर्न उत्पादन, रोजगारी र आर्थिक गतिविधिलाई तीव्र रूपमा अघि बढाउनु आजको आवश्यकता भएको बताएका छन्। नेपाल इन्जिनियर्स एसोसिएसनको ६४औँ वार्षिकोत्सवका अवसरमा आइतबार आयोजित कार्यक्रममा सम्बोधन गर्दै राष्ट्रपति पौडेलले विकासको अवधारणालाई जनताको कल्याण र देशको समृद्धिसँग जोड्नुपर्नेमा जोड दिएका हुन्। उनले भौगोलिक रूपमा जटिल भए पनि प्राकृतिक स्रोतसाधनले सम्पन्न नेपाललाई दिगो र वातावरणमैत्री पूर्वाधार विकासको आवश्यकता रहेको उल्लेख गर्दै जलवायु परिवर्तन मुलुकसामु रहेको प्रमुख चुनौती भएको बताएका छन्। राष्ट्रपति पौडेलले सङ्घीय लोकतान्त्रिक गणतन्त्रले विकास र मानवहितका विभिन्न आयामलाई सम्बोधन गर्ने अवसर प्रदान गरेको उल्लेख गर्दै लोकतन्त्रलाई केवल आदर्शका रूपमा नभई...

काठमाडौं- अविरल वर्षापछि काठमाडौंको माइतीघर क्षेत्र जलमग्न हुँदा सवारी आवागमन प्रभावित भएको छ। सडकमा पानी जम्दा सवारीसाधन सञ्चालनमा कठिनाइ हुनुका साथै पैदल यात्रुहरूलाई समेत आवतजावत गर्न समस्या भएको छ। आइतबार परेको भारी वर्षाका कारण माइतीघर क्षेत्रका सडकमा पानीको सतह बढेपछि सवारीसाधन सुस्त गतिमा सञ्चालन भइरहेका छन्। कतिपय स्थानमा सडक नै जलमग्न बनेपछि पैदल यात्रुहरू पानी छिचोल्दै यात्रा गर्न बाध्य भएका छन्। काठमाडौं महानगरपालिकाका अनुसार भारी वर्षाका कारण महानगरभित्रका करिब १० स्थान डुबानमा परेका छन्। प्रभावकारी ढल निकासको अभावका कारण माइतीघर क्षेत्र वर्षेनी डुबानको समस्याबाट प्रभावित हुँदै आएको छ। डुबानमा परेका सवारीसाधनलाई ट्राफिक प्रहरी र काठमाडौं महानगरपालिकाको संयुक्त टोलीले सुरक्षित...

काठमाडौं- पाकिस्तानको इस्लामाबादमा यही जुलाई २२ देखि २९ तारिखसम्म हुने काभा पुरुष भलिबल च्याम्पियनसिपमा सहभागी हुने नेपाली राष्ट्रिय टोलीलाई आइतबार बिदाइ गरिएको छ। नेपाल भलिबल संघले आयोजना गरेको एक कार्यक्रमबीच टोलीलाई औपचारिक रूपमा बिदाइ गरिएको हो। नेपालले पहिलोपटक विश्व वरीयतामा समावेश प्रतियोगितामा सहभागिता जनाउन लागेको छ। हरिहजुर थापाको कप्तानीमा रहेको नेपाली टोलीमा ६ जना नयाँ खेलाडी समावेश छन्। टोलीको मुख्य प्रशिक्षक जगदीश प्रसाद भट्ट रहेका छन् भने सहायक प्रशिक्षकको जिम्मेवारी रुपेश कुमार विष्टले सम्हालेका छन्। प्रतियोगितामा नेपालसहित आयोजक पाकिस्तान गरी कुल ६ राष्ट्रको सहभागिता रहनेछ। टोलीका प्रशिक्षक जगदीश प्रसाद भट्टले प्रतियोगिताका लागि आवश्यक तयारी पूरा भइसकेको बताउँदै अन्तर्राष्ट्रिय स्तरमा...

काठमाडौं- नेकपा (एमाले)का अध्यक्ष केपी शर्मा ओलीले वर्तमान सरकारको आलोचना गर्दै नेपालमा अहिलेको राजनीति दिशाहीन, विधिविहीन र थितिविहीन ढंगले अघि बढिरहेको टिप्पणी गरेका छन्। आइतबार पार्टीको संसदीय मामिला विभागले पार्टी केन्द्रीय कार्यालयमा आयोजना गरेको सांसदहरूसँगको अन्तरक्रिया कार्यक्रममा बोल्दै अध्यक्ष ओलीले भदौ २३ र २४ पछिका राजनीतिक घटनाक्रमपछि मुलुकको राजनीति सही दिशाबाट विचलित भएको दाबी गरेका हुन्। उनले लोकतान्त्रिक व्यवस्थामा सरकार परिवर्तनका लागि संवैधानिक र कानुनी प्रक्रिया हुँदाहुँदै पनि वर्तमान सरकार हिंसा, तोडफोड, कब्जा र अराजकताका आधारमा बनेको आरोप लगाएका छन्। कुनै पनि विषयमा तर्कपूर्ण बहस गर्नुभन्दा आलोचकप्रति आक्रमण गर्ने प्रवृत्ति वर्तमान सरकारमा देखिएको उनको भनाई छ। अध्यक्ष ओलीले वर्तमान...

काठमाडौं- नेपाली कांग्रेसभित्र विशेष महाधिवेशनपछि देखिएको आन्तरिक विवाद समाधान गर्दै पार्टीलाई एकताबद्ध बनाउने उद्देश्यले निवर्तमान सभापति शेरबहादुर देउवा समूह नियमित महाधिवेशन पक्षधरले पाँच बुँदे समझदारी प्रस्ताव सार्वजनिक गरेको छ। आइतबार काठमाडौंको चुनदेवीस्थित सम्पर्क कार्यालयमा आयोजित पत्रकार सम्मेलनमार्फत देउवा समूहले पार्टी उपसभापति विश्वप्रकाश शर्मामार्फत प्राप्त प्रस्तावमाथि छलफल गरी जेठ १८ गते नै आफ्नो पक्षबाट पाँच बुँदे समझदारी प्रस्ताव पठाएको जानकारी दिएको हो। निवर्तमान प्रचार विभाग प्रमुख मीन विश्वकर्माले पूर्वउपसभापति विमलेन्द्र निधि, पूर्वमहामन्त्री डा. शशांक कोइराला, कृष्णप्रसाद सिटौला लगायतका नेताहरूको उपस्थितिमा प्रस्ताव सार्वजनिक गर्दै पार्टीभित्र सहमति र एकता कायम गर्न आफूहरूले व्यावहारिक समाधान अघि सारेको बताएका छन्। देउवा समूहको पहिलो प्रस्तावमा...