काठमाडौं – बाराको जीतपुरसिमरा उपमहानगरपालिका–१ की तीन वर्षीया गरिमा चौधरीको बलात्कारपछि हत्या भएको घटनामा दोषीलाई कारबाही र पीडित परिवारलाई न्यायको माग गर्दै काठमाडौंमा प्रदर्शन गरिएको छ।
ADVERTISEMENT
अधिकारकर्मी तथा गरिमाका आफन्तहरूले माइतीघर क्षेत्रमा प्रदर्शन गर्दै घटनाको निष्पक्ष छानबिन र दोषीमाथि कडा कारबाहीको माग गरेका हुन्। प्रदर्शनकारीहरूले ‘गरिमालाई न्याय दे’ लगायतका नारासहितका प्लेकार्ड बोकेका थिए।
ADVERTISEMENT
गरिमाको न्यायका लागि उनका परिवारले बारामा पनि निरन्तर आन्दोलन गरिरहेका छन्। आमा–बुवासहित परिवारजन सडकमा धर्नामा बसेपछि वीरगञ्ज–पथलैया सडकखण्ड तेस्रो दिन पनि प्रभावित भएको छ।
स्थानीय प्रशासन र केही व्यक्तिबीच बिहीबार राति सहमति भए पनि मृतक परिवारले आफूहरूको जानकारी र सहमतिबिना गरिएको भन्दै उक्त सहमति अस्वीकार गरेका छन्।
गरिमाका बुबा मनोज चौधरीले गृहमन्त्री सुधन गुरुङ र कानुनमन्त्री सोबिता गौतम स्वयं आएर घटनाका दोषीलाई कारबाही तथा आवश्यक कानुनी सुधारका लागि प्रतिबद्धता जनाउनुपर्ने माग गरेका छन्।
