काठमाडौँ – टी–२० फ्रेन्चाइज क्रिकेट प्रतियोगिता पाकिस्तान सुपर लिग (पिएसएल) २०२०को संस्करणका लागि ७ जना नेपाली खेलाडी ड्राफ्टमा परेका छन् ।
ADVERTISEMENT
सोमबार सार्वजनिक ड्राफ्टमा नेपालबाट पूर्वकप्तान पारस खड्का, उपकप्तान दीपेन्द्रसिंह ऐरी, विकेटकिपर ब्याट्सम्यान विनोद भण्डारी, ब्याट्सम्यानहरु आरिफ शेख, रोहितकुमार पौडेल तथा शरद भेषवाकर र बलर सोमपाल कामी परेका छन्
ADVERTISEMENT
सात जना नै सिल्भर क्याटागोरी (विदेशी) मा समावेश भएका छन्। यो क्याटागोरीको मूल्य १५ हजारदेखि ३५ हजार अमेरिकी डलर रहेको छ।
क्यानले आइसीसीसामू सिफारिस गरेका पाँच खेलाडी मध्येबाट आरिफ शेख र विनोद भण्डारी ड्राफ्टमा समावेश भएका छन्। क्यानले करण केसी, पवन सर्राफ र ललितनारायण राजवंशीलाई पनि सिफारिस गरेको थियो ।
ड्राफ्टमार्फत पिएसएलका ६ टिमले खेलाडी आ–आफ्नो टिममा आबद्ध गर्नेछन्। पिएसएलमा इस्लामावाद युनाइटेड, कराची किङ्ग्स, लाहोर क्वालन्डर्स, मुल्तान सुल्तान्स, पेशावर जल्मी र क्वेटा ग्लाडियर्टसबीच प्रतिस्पर्धा हुनेछ।
‘प्लाटिनम’ श्रेणीमा सन्दीप
नेपाली स्टार लेगस्पिनर सन्दीप लामिछाने आगामी संस्करणको पीएसएलका लागि ‘प्लाटिनम’ श्रेणीमा परेका छन् । बिक्रि भएमा उनले यो क्याटागोरीको मूल्य १ लाख ४७ हजार डलर देखि २ लाख १८ हजार डलर छ।
यसअघि गत वर्ष सन्दीपले लाहोर क्वालन्डर्सबाट पीएसएल खेलेका थिए ।
