एजेन्सी – इटलीमा कोरोनाभाइरसको संक्रमणबाट एकै दिन १ सय ३३ जनाको मृत्यु भएको छ । कोरोनाका कारण इटलीमा अहिलेसम्म ३ सय ६६ जनाको मृत्यु भइसकेको छ ।संक्रमितहरुको संख्या पनि एकै दिनमा २५ प्रतिशतले बढेको छ । ७ हजार ३ सय ७५ व्यक्ति कोरोना संक्रमणको मारमा परेका छन् ।
ADVERTISEMENT
प्रकोप नियन्त्रणका लागि सरकारले कडा खालको सावधानी अपनाए पनि संक्रमित व्यक्तिहरुको संख्यामा उल्लेख्य वृद्धि भएको छ । कोरोना संक्रमणका कारण मृत्यु हुनेको संख्या बढ्दै गएपछि करिब १ करोड ६० लाख मानिसलाई क्वारेन्टाइनमा राखिएको छ ।
ADVERTISEMENT
लोम्बार्डी र उत्तर पूर्वी क्षेत्रका १४ राज्यमा गरी यति ठूलो संख्यामा मानिसहरुलाई क्वारेन्टाइनमा राखिएको हो । अनिवार्य क्वारेन्टाइन अप्रिल महिनाको शुरुसम्म रहनेछ ।
कोरोना संक्रमितको संख्या नाटकीय रुपमा बढेपछि नाइट क्लब, जिमखाना, स्वीमिङ पुल, संग्राहलय र स्की रिसोर्ट बन्द गरिएको छ पछिल्लो तथ्याङ्कसँगै गत डिसेम्बर महिनामा प्रकोप देखा परेको देश चीनबाहिर सबैभन्दा धेरै सङ्क्रमित फेला परेको देश इटली बनेको छ ।
इटलीले ७ हजार ३ सय १३ जना संक्रमित देखिएको दक्षिण कोरियालाई उछिनेको हो । इटलीमा पछिल्लो पटक संक्रमण पुष्टि भएकाहरूमा सेना प्रमुख पनि छन् ।
नयाँ क्वारेन्टाइनका कडा नियमले इटलीको एक चौथाइ जनसंख्या र देशको अर्थतन्त्रमा ठूलो योगदान दिने उत्तरी भागको केन्द्र पनि प्रभावित बनेका छन् । यसैबीच बेलायतले आफना नागरिकहरुलाई इटली भ्रमणमा रोक लगाएको छ ।
