काठमाडौं – नेपाल चार्टर्ड एकाउन्टेन्ट्स संस्था (आइक्यान) को परिषद्द्वारा गठित ‘रजिस्टर्ड अडिटर्स प्रोफेसनल डेभलपमेन्ट टास्क फोर्स’ले परिषद्मा पेस गरेको प्रतिवेदनमा समेटिएका केही विषयप्रति नेपाल चार्टर्ड एकाउन्टेन्ट्स संघले ध्यानाकर्षण जनाएको छ ।

शुक्रबार एक विज्ञप्ती जारी गर्दै सिए संघले संघको प्रतिवेदनका विवादाष्पद सिफारिसप्रति आफ्नो पूणतः असहमति रहेको जनाएको हो । स्तरोन्नतिको नाममा अवैज्ञानिक ढंगले चार्टर्ड एकाउन्टेन्टहरुको गुणस्तर, अन्तर्राष्ट्रिय मान्यता तथा समग्रमा लेखा व्यवसायीको सामाजिक प्रतिष्ठामा आँच आउने गरी विशेष छुट दिन नहुने संघको अडान छ । उक्त प्रतिवेदनमार्फत अघि सारिएका विभिन्न प्रस्तावमा यस संघको गम्भीर आपत्ति छ । परिषद्मा प्रस्तुत विवादास्पद विषयहरु खारेज गर्न पनि संघले जोडदार माग गरेको छ ।


ADVERTISEMENT

# # #


चार्टर्ड एकाउन्टेन्सी शिक्षाका अन्तर्राष्ट्रिय मापदण्ड, प्रणाली र परम्पराविपरीत हुने गरी प्रतिवेदनमार्फत प्रस्ताव गरिएका विषयवस्तुमा संघले चार्टर्ड एकाउन्टेन्सी शिक्षाका सरोकारवालासँग छलफल गरिरहेको छ । संघले भनेको छ, ‘कुनै पनि शिक्षामा सहज र छोटो तर अपूर्ण बाटो अपनाउँदा त्यसमार्फत दक्ष जनशक्ति उत्पादन गर्न सकिँदैन र त्यो जनशक्तिले अपेक्षित परिणाम दिन पनि सक्दैन ।’ प्रतिवेदनले सजिलो र छोटो बाटोबाट चार्टर्ड एकाउन्टेन्ट उत्पादन गर्ने गरी प्रस्ताव अघि सारेकोमा संघको गम्भीर असहमति रहेको महासचिव तेजप्रसाद सुवेदीले जनाएका छन् ।

नेपाल चार्टर्ड एकाउन्टेन्ट संस्थाका पूर्वअध्यक्ष, संघका पूर्वअध्यक्ष, सरोकारवाला, सरकारी निकायका पेसासम्बद्ध विशिष्ट व्यक्ति, सिए अध्ययनरत विद्यार्थी लगायतले चार्टर्ड एकाउन्टेन्ट्स शिक्षाको उपाधिका सन्दर्भमा कायम भएका व्यवस्थाबाहेक कुनै पनि किसिमको अतिरिक्त छुट दिन नहुने कुरामा सबैको ऐक्यबद्धता रहेको जनाएका छन् ।

‘रजिस्टर्ड अडिटरहरुको क्षमता अभिवृद्धि हुनुपर्छ भन्नेमा संघको आपत्ति छैन । तर वैज्ञानिक र समय सान्दर्भिक सुझावविपरीत कदम चालिए कडा संघर्षमा उत्रिने चेतावनी दिन चाहन्छौं’ संघले भनेको छ । साथै, लेखा व्यवसायमा दूरगामी असर पार्ने नीतिगत निर्णय गर्दा, सरोकारवालासँग आवश्यक छलफल र परामर्श गर्न पनि आसंघले आग्रह गरेको छ ।

प्रतिकृया

प्रतिकृया