काठमाडौँ – सरकारले विद्यालय बन्द गर्ने निर्णय गरेको छ ।
आज बसेको मन्त्रिपरिषद्को वैठकले काठमाडौं, ललितपुर, भक्तपुर, बनेपा, धुलिखेल, भरतपुर, काँकडभिट्टा, बिर्तामोड, दमक, बिराटनगर, इटहरी, धरान, बीरगंज, जनकपुर, राजविराज, हेटौंडा, भैरहवा, पोखरा, बुटवल, घोराही, तुलसीपुुर, नेपालगंज, धनगढी, भीमदत्त नगरजस्ता सहर र सदरमुकाममा विद्यालय बन्द गर्ने निर्णय गरेको हो ।
कोरोना संकट नियन्त्रण तथा उपचार केन्द्र (सीसीएमसी) को शनिवार बसेको बैठकले सरकारलाई बैसाख मसान्तसम्म विद्यालय बन्द गर्न सिफारिस गरेको थियो । उक्त सिफारिसलाई स्वीकृत गर्दै मन्त्रिपरिषद्ले विद्यालय बन्द गर्ने निर्णय गरेको हो ।
सरकारले अन्य जिल्लामा भने स्थानीय तहलाई नै जोखिमको अवस्था हेरेर विद्यालय बन्द गर्ने/नगर्ने निर्णय गर्न दिने अधिकार दिएको छ ।