देउवालाई मत दिने/नदिनेबारे छलफल गर्न बैठक बस्दै जसपा

काठमाडौँ– प्रधानमन्त्री शेरबहादुर देउवाले आज विश्वासको मत लिने निर्णय गरेसंगै उनका पक्ष एवम् विपक्ष पार्टीहरु उनलाई मत दिने की नदिने? भन्ने विषयमा विभिन्न बैठकहरु बसिरहेका छन् ।

यसै क्रममा जनता समाजवादी पार्टी नेपाल (जसपा) ले पनि सोहि विषयमा नै छलफल गर्न बैठकको आयोजना गरेको छ । यसका लागि जसपाको संसदीय दल बैठक पार्टी केन्द्रीय कार्यालय बालकुमारीमा भर्खरै शुरु भएको छ । बैठकमा काठमाडौँमै रहेका करीब दुई दर्जन सांसदहरुले उपस्थित जनाएका छन् ।

बैठकमा देउवालाई दिइने विश्वासको मतसंगै सरकारमा सम्मानजनक सहभागिता, मन्त्रालय बाड़फाँट, संसदीय दलको नेता चयन लगायतका विषयमा समेत छलफल गरिने जनाइएको छ ।