काठमाडौँ – नेकपा एमालेका नेता महेश बस्नेतले आफ्नो पार्टीलाई कमजोर बनाउने प्रयास भएको आरोप लगाएका छन् ।
ADVERTISEMENT
रिपोटर्स क्लब नेपालले शुक्रबार काठमाडौंमा आयोजना गरेको साक्षात्कारमा उनले प्रधानमन्त्री शेरबहादुर देउवा, नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ र प्रतिनिधिसभाका सभामुख अग्निप्रसाद सापकोटा आफ्नो पार्टीलाई कमजोर बनाउने काममा लागेको आरोप लगाए ।
ADVERTISEMENT
तर, एमाले कमजोर पार्ने देउवा, दाहाल र सापकोटा तीनै जनालाई आगामी दिनमा महँगो पर्ने उनको चेतावनी छ । नेता बस्नेतले अध्यादेश ल्याउनुको अर्को उद्देश्य भनेको आगामी निर्वाचनमा कांग्रेसलाई बहुमतमा पुर्याउने षड्यन्त्र रचिएको बताए ।
एमालेलाई कमजोर नआँक्न चेतावनी दिँदै उनले भने, ‘एमाले कमजोर छ भनेर कसैले दिवास्वप्न देख्छ भने त्यो भूल हुनेछ ।’ एक नं. प्रदेश र बाग्मती प्रदेशमा आफूहरु अहिले पनि बहुमत रहेको र अन्य प्रदेशमा पनि ५० प्रतिशतको हाराहारीमा एमाले एक्लैको मत रहेको उनले बताए । आगामी निर्वाचनमा पनि नेकपा (एमाले) नै अत्यधिक बहुमतका साथ आउने उनको दाबी थियो ।
४० महिनाको अवधिमा ओली सरकारले विकास र समृद्धिको यात्रा अघि बढाएको स्मरण गराउँदै उनले अहिले ओलीको उक्त समृद्धिको यात्रामा ब्रेक लगाउने काम भएको पनि टिप्पणी गरे । उनले सभामुखले आफू निश्पक्ष र स्वतन्त्र हुनुपर्ने र त्यहीअनुसार चल्नुपर्ने कुरा भुलेको पनि बताए ।
बस्नेतले नेकपा एमाले विधान महाधिवेशन गर्दै जनसंगठन निर्माण र कमिटी निर्माणमा केन्द्रित हुने जनाउनुभयो । माओवादी परित्याग गरी एमालेमा प्रवेश गरको नेताहरुलाई अहिलेपनि उचित भूमिका दिईएको बस्नेतको भनाई छ ।
