मोदीको विरोधमा आपत्ति जनाएको भन्दै गृहमन्त्री खाँडको पुत्ला दहन

काठमाडौँ–  माधव कुमार नेपाल नेतृत्वको नेकपा (एकीकृत समाजवादी) निकट विद्यार्थी संगठन अनेरास्ववियूले नेपाल कमर्स क्याम्पस मीनभवनस्थित गृहमन्त्री बालकृष्ण खाँडको पुत्ला दहन गरेको छ ।

गत शुक्रबार समाजवादी निकट र शनिबार नेकपा एमाले निकट विद्यार्थीले दार्चुला तुईन घटनाको विरोधमा भारतीय प्रधानमन्त्री नरेन्द्र मोदीको पुत्ला दहन गरेकोप्रति आपत्ति जनाउँदै आइतबार गृह मन्त्रालयले चेतावनीसहितको एक विज्ञप्ति जारी गरेको थियो ।

मन्त्रालयको सोहि चेतावनी र विज्ञप्तिको विरोध गर्दै अनेरास्ववियूले आज गृहमन्त्रीको पुत्ला जलाएको हो ।

मन्त्रालयले उक्त विज्ञप्तिमा मित्रराष्ट्रसँगको स्वाभिमान र सम्मानमा आँच आउने क्रियाकलाप नगर्न र मित्रराष्ट्रहरु विरुद्ध लक्षित हुने गतिविधिलाई नियन्त्रण गर्न र त्यस्ता गतिविधिमा संलग्न भई कानून हातमा लिनेलाई कारवाही समेत गरिने चेतावनी दिइएको थियो ।

यो पनि पढ्नुहोस्

मित्रराष्ट्रसँगको स्वाभिमान र सम्मानमा आँच आउने क्रियाकलाप नगर्न गृह मन्त्रालयको आग्रह