अछाम – नेपाल कम्युनिस्ट पार्टी (एमाले) का केन्द्रीय उपाध्यक्ष डा भीमबहादुर रावलले माधवकुमार नेपालको पार्टीको विधान मस्यौदा तयार गर्ने आफू रहेको भन्ने कुराको खण्डन गरेका छन् ।
रावलले उक्त हल्लामा कुनै सत्यता नरहेको बताउँदै त्यस्तो हल्लाको पछि नलाग्न पनि आग्रह गरेका छन् । साथै उनले आफूले राजनीति देश र जनताको सेवाका लागि गरेको कारण त्यस्तो काम नगरेको स्पष्टीकरणसमेत दिए ।
गृह जिल्ला अछाम जाने क्रममा यहाँ रहेका पार्टीका नेता तथा कार्यकर्तासँगको भेटघाटका क्रममा उनले आफूले व्यक्तिगत स्वार्थ तथा पदका लागि राजनीति नगरेकोसमेत बताएका छन् ।
राजनीति गर्दा देश र जनतालाई बिर्सियो भने त्यो कदापि काम नलाग्नेसमेत उनले बताए । उनले भने, “मैले पार्टी फुटाउन जोड दिएको भन्ने कुरा सरासर गलत हो, म पार्टी फुटाउने नभई पार्टी एकतालाई जोड दिनतर्फ अग्रसर भएको छु ।”