४ हजार मत गनियो, देउवाले १९ सय, कोइरालाले पाए १४ सय ६७ मत

काठमाडौं – कांग्रेसको १४औं महाधिवेशनमा सभापति पदका लागि भएको निर्वाचनको मतगणना जारी छ । पछिल्लो प्राप्त मत परिणाम अनुसार सभापतिमा शेरबहादुर देउवाले अग्रता कायम राखेका छन् ।

४००० मत गन्दासम्म देउवाले १९०० मत प्राप्त गरेका छन् भने शेखर कोइरालाले १४६७ मत ल्याएका छन् । यसैगरी विमलेन्द्र निधिले २३० मत ल्याएका छन् । प्रकाशमान सिंहले २९६ प्राप्त गरेका छन् भने कल्याण गुरुङले २० प्राप्त गरेका छन् ।

सभापतिमा शेरबहादुर देउवा, डा शेखर कोइराला, प्रकाशमान सिंह, विमलेन्द्र निधि र कल्याण गुरुङले उम्मेदवारी दिएका थिए । देउवा र कोइरालाबीच मुख्य प्रतिस्पर्धा भइरहेको छ ।