भीमदत्तनगर– प्रधानमन्त्री एवम् नेपाली कांग्रेसका सभापति शेरबहादुर देउवाले प्रतिनिधि सभामा सेती–महाकालीमा काँग्रेस विजयी भए आफू पुनः प्रधानमन्त्री हुने दाबी गरेका छन् ।
बेलौरी, भलारी र भीमदत्तनगरमा आज आयोजित चेनावी सभालाई सम्बोधन गर्दै उनले आफू एक पटक पुनः प्रधानमन्त्री भएर यहाँको पञ्चेश्वर परियोजना र पश्चिम सेती जल विद्युत परियोजनाको निर्माण गरेर छाड्ने प्रतिवद्धता व्यक्त गरे ।,
‘पञ्चेश्वर परियोजनाको निर्माण कार्य थालनी हुने चरणमा छ, पश्चिम सेती ठेक्का नै भइसक्यो’ उनले भने, ‘यी दुई ठूला परियोजना बने प्रदेश नं ७ मुलूक्कै धनी प्रदेश बन्छ ।’
महाकाली अञ्चल अस्पतालको स्तरोन्नती र मझगाउँ विमानस्थल सञ्चालन गर्ने वाचा गर्दै प्रधानमन्त्री देवाले महाकाली नदीमा बनिरहेको चार लेनको पुल बनाएरै छाड्ने अठोट व्यक्त थरे । सुदूरपश्चिमको विकासका लागि आफू जहिले पनि कटिवद्ध भएर लागेको र आगामी दिनमा पनि ठूला योजना ल्याएर विकास गर्ने उनले बताए ।
सभामा काँग्रेसका केन्द्रिय सदस्य दीलेन्द्र प्रसाद बडू, एनपी साउँद र रमेश लेखक लगायतले मन्तव्य दिएका थिए ।