काठमाडौं – नेकपा (एमाले) नेतृ लक्की शेर्पाले पार्टी अध्यक्ष केपी शर्मा ओलीसँग रक्षा बन्धन बाँधेकी छिन् । शेर्पाले शुक्रबार रक्षाबन्धनका अवसरमा अध्यक्ष ओलीसँग रक्षा बन्धन बाँधेकी हुन् ।
नेतृ शेर्पाले सामाजिक सञ्जाल फेशबुकमार्फत् ओलीको हातबाट रक्षाबन्धन बाँधेको तस्विर राखेर ब्लेस्ड मोमेन्ट भनेर लेखेकी छिन् । नेतृ शेर्पा पूर्वराजदूत समेत हुन् ।
रक्षाबन्धनमा नेपालीहरुमा पनि दाजुभाइलाई दिदीबहिनीले राखी बाँध्ने प्रचलन बढिरहेको छ । प्रत्येक वर्ष श्रावण शुक्ल पूर्णिमाका दिन मनाइने रक्षाबन्धन, जनै पूर्णिमा (ऋषि तर्पणी) पर्व देशभर नव यज्ञोपवीत एवं रक्षाबन्धन धारण गरेर मनाइने गरिन्छ ।
पूर्णिमाका दिन वैदिक सनातन धर्मावलम्बीले नदी, ताल, तलाउ, पोखरीमा गई स्नान गरेर गुरु पुरोहितबाट रक्षासूत्र बाँध्ने प्रचलन छ ।