सरकारको काम कारबाही तल्लो तहका समुदायले राहत महसुस गर्ने हुनुपर्छ : नेता प्रकाशमान सिंह

काठमाडौं – नेपाली कांग्रेसका नेता प्रकाशमान सिंहले सरकारको काम कारबाही तल्लो तहका समुदायले राहत महसुस गर्नुपर्ने खालको हुनुपर्ने बताएका छन् ।

शनिबार काठमाडौं महानगरपालिका वडा नम्बर १० मा आयोजित सामदायिक सभा हल उदघाटन कार्यक्रममा नेता सिंहले सरकारका कामहरुलाई थप प्रभावकारी बनाउर्दै तल्लो तहका समुदायले राहत महसुस गर्ने खालको हुनुपर्ने बताएका छन् ।

उनले नेता सिंहले स्वचालित मूल्य प्रणाली लागू गरेर इन्धनको मूल्य समायोजन गर्नुपर्ने बताए । त्यस्तै नेता सिंहले काठमाडौं उपत्यकाको फोहोर व्यवस्थापनको काममा पनि समुदायलाई सहभागी गराउनुपर्ने धारणा राखे । काठमाडौं महानगरपालिकालाई फोहोरको दीर्घकालीन व्यवस्थापनको उपाय खोज्न उनले सुझाव दिए ।

त्यस्तै उनले फोहोरमा राजनीतिकरण भएकोमा विरोध जनाउँदै महानगरपालिका, वडा वा सरकारले गर्ने कामहरुमा राजनीतिकरण गर्न नहुने बताए । बागमती प्रदेश सभा सदस्य दीपेन्द्र श्रेष्ठका अनुसार प्रदेश पूर्वाधार विकास साझेदार कार्यक्रमको १४ लाख रुपैयाँ बजेटमा सामुदायिक सभा हल निर्माण गरिएको हो ।