कञ्चनपुर-३ मा कडा प्रतिस्पर्धा, कांग्रेस नेता लेखक ५०८ मतले पछाडि

काठमाडौं – कञ्चनपुर निर्वाचन क्षेत्र नम्बर ३ मा नेपाली कांग्रेसका नेता रमेश लेखक बाम गठबन्धनका एमाले उमेदवार डा। दिपकप्रकाश भट्टभन्दा ५०८ मत पछाडि रहेका छन् ।

सुरुवातदेखि नै निकै प्रतिस्पर्धात्मक देखिएको सो क्षेत्रको पछिल्लो मत परिणाम अनुसार गठबन्धनका उमेदवार डा। भट्टले १८ हजार ३२९ मत ल्याएका छन् भने लेखक १७ हजार ८२१ मत प्राप्त गरेका छन् । कञ्चनपुर–३ मा ८७ हजार १२२ मत खसेको थियो ।

त्यसैगरी कञ्चनपुर प्रदेशसभा निर्वाचन क्षेत्र नं. ३ (क) मा एमालेका प्रकाश रावल ७ हजार ९० मतसहित ७ हजार ९२ कांग्रेसका यज्ञराज जोशीभन्दा दुई मतले अघि छन् ।

यता कञ्चनपुर ३ को प्रदेशसभा ख मा माओवादीका मानबहादुर सुनार ७ हजार २९६ मतसहित अग्रता लिइरहेका छन् भने कांग्रेसका बेलबहादुर राना मगर ६ हजार ८४५ मतसहित उनलाई पछ्याइरहेका छन् ।