काठमाडौँ– सुविसु केवलनेटले अन्तराष्ट्रिय कम्पनी नोकिया सोलुसन्स एण्ड नेटवर्कसँगको सहकार्यमा फाइबर नेटवर्क विस्तार गर्ने भएको छ । बुधवार राजधानीमा भएको एक कार्यक्रममा सुविसु, नोकिया र नियोटेरिक नेपालबिच यसबारे सम्झौता भएको हो ।
नेपाल अधिराज्यभरका घरघरमा ब्रोड ब्याण्ड इन्टरनेट विकास गर्नका लागि नेपाल सरकार तथा दुर संचार प्राधिकरणले देशमा संचालित टेलिकम अपरेटर तथा इन्टरनेट सर्भिस प्रोभाइडर कम्पनीहरुसँग सहकार्य गरिरहेको अवस्थामा सुबिसु केबलनेटलाई प्रदेश २ को ८ वटा जिल्लाहरुमा एफटीटीएच नेटवर्कको पूर्वाधार विकास गर्नको लागि प्राधिकरणले स्विकृती समेत प्रदान गरेको छ ।
आफ्नो नेटवर्कलाई अझै सुदृढ बनाउन तथा गुणस्तरीय सेवा प्रदान गर्नको लागि सुबिसु केबलनेटले नोकियासँग गुणस्तरिय उत्पादनको लागि हातेमालो गरेको हो ।
सुबिसुले आफ्ना ग्राहकहरुलाई तुरुन्तै २.५ जिपिएस गतिको इन्टरनेट र भविष्यमा १० जिपिएस गतिको इन्टरनेट सेवा प्रदान गर्ने उदेश्य लिएको छ ।