प्रमुख कार्यकारी अधिकृत रामबहादुर यादव अर्को कार्यकालको लागि पुनःनियुक्त

काठमाडौँ– नेशनल माइक्रोफाइनान्स वित्तीय संस्था लिमिटेड मा प्रमूख कार्यकारी अधिकृतको रुपमा कार्यरत राम बहादुर यादवलाई संचालक समितिले पुनः अर्को कार्यकालको लागि नियुक्त गरेको छ ।

उनलाई चार बर्षका लागि नियुक्ति गरिएको हो । लघुवत्त संस्थाहरुमध्ये सानो समयमा अबल संस्थाको रुपमा पहिचान बनाउन सफल यस संस्थाले ३ बर्ष भित्रमा सर्वसाधारणमा शेयर जारी गरी ३५ प्रतिशत लाभांस वितरण गर्न सफल भएको छ ।

हाल संचालनको ३ बर्ष ७ महिनाको अवधि सम्ममा ४० वटा शाखा कार्यालयहरु मार्फत ३२ जिल्लाका ५५ हजार भन्दा बढी विपन्न परिवारलाई यसले सेवा पुर्याउँदै आएको छ ।

लगानीमा रहेको कर्जा करिव रु.२ अर्व र वचत रु. ५५ करोड पुर्याएको छ । स्थापनाको प्रथम बर्ष देखि नै राम्रो मूनाफा गर्न सफल यस संस्थाले यस आ.व.को माघ मसान्त अर्थात सात महिना सम्ममा रु.ठ करोड मूनाफा गरेको छ ।