निरन्तर वर्षाले काठमाडौँका नदीमा खतराको तह पार, छेउछाउका बस्तीमा बाढी

काठमाडौँ – निरन्तरको वर्षाका कारण काठमाडौं उपत्यकामा अधिकांश नदीमा बाढी आएको छ । वर्षाका कारण बागमती, बिष्णुमती, धोविखोला, गोदावरी लगायतका खोलानदीमा बाढी आएको छ ।

बाढीका कारण टेकु दोभन छेउछाउका बस्ती डुबानमा परेको छ । अबको तीन दिन देशभर भारी वर्षा हुने जल तथा मौसम विज्ञान विभाग, बाढी पूर्वानुमान महाशाखाले जनाएको छ ।

देशभरका उच्च र मध्यम जोखिम रहेका नदी तथा त्यसका सहायक नदीहरूमा जलसतह खतराको तह आसपास र केही क्षेत्रमा खतराको तहसमेत पार गर्ने बाढी पूर्वानुमान महाशाखाले जनाएको छ ।

अबको तीन दिन ती नदी तटीय क्षेत्रमा सावधानी अपनाउन अनुरोध पनि गरिएको छ ।