राष्ट्रिय सभाका उपाध्यक्ष विमला घिमिरे चीन प्रस्थान

काठमाडौँ– संघीय संसद, राष्ट्रिय सभाका उपाध्यक्ष विमला घिमिरे मित्रराष्ट्र जनवादी गणतन्त्र चीनको १० दिने औपचारिक भ्रमणका लागि आज अपराह्न्न चीनको छेन्दु प्रस्थान गरेका छन् ।

जनवादी गणतन्त्र चीनको जियाङ्सु प्रान्तको राजधानी नानजिङमा आयोजना हुने दोस्रो ग्लोबल साउथ थिंक ट्याङ्क संवादमा भाग लिनका लागि उपाध्यक्ष घिमिरे चीनको छेन्दु प्रस्थान गरेकी हुन् ।

कार्तिक २८ देखि ३० गते सम्म हुने दोस्रो ग्लोबल साउथ थिंक ट्याङ्क संवादमा सम्बोधन गर्ने कार्यक्रम रहेकाले घिमिरे छेन्दु प्रस्थान भएको संघीय संसद सचिवालयका प्रबक्ता एकराम गिरीले जानकारी दिए ।

उपाध्यक्ष घिमिरेले भ्रमणका क्रममा जियाङ्सु, बेइजिङ र हुबेई प्रान्तको भ्रमण गर्ने र जनकंग्रेसका प्रान्तीय पदाधिकारी तथा प्रान्तीय बिशिष्ट पदाधिकारीहरु संग भेटवार्ता गर्नेछिन् । उनी भ्रमण सम्पन्न गरेर मंसिर ६ गते स्वदेश फर्कने कार्यक्रम छ ।

उपाध्यक्ष घिमिरे संगै उनका श्रीमान् दुर्गाप्रसाद आचार्य र स्वकिय सचिव प्रेमबहादुर सिंह पनि भ्रमणमा सहभागी छन् ।