काठमाडौँ – भारतको ओडिसास्थित भुवनेश्वरको कलिंगा इन्स्टिच्युट अफ इन्डस्ट्रियल टेक्नोलोजी (केआईआईटी) विश्वविद्यालयले नेपालका विद्यार्थीलाई जबरजस्ती विश्वविद्यालयबाट निकाला गरेको छ ।
ADVERTISEMENT
नेपालकी इन्जिनियरिङ विद्यार्थी प्रकृति लम्साल मृत भेटिएको विरोधमा प्रदर्शन गरेका नेपाली विद्यार्थीलाई विश्वविद्यालयले क्याम्पस खाली गर्न निर्देशन दिँदै नेपाली विद्यार्थीलाई ‘अनिश्चित काल’ घोषणा समेत गरेको हो । विश्वविद्यालयले नेपाली विद्यार्थीलाई जबरजस्ती गरेर रेल स्टेशनसम्म पुर्याएको भारतीय सञ्चारमाध्यम इण्डियन एक्सप्रेसले जनाएको छ ।
ADVERTISEMENT
समाचारमा भनिएको छ, ‘नेपालबाट आएका ५०० भन्दा बढी विद्यार्थीहरूलाई बस चढ्न भनिएको थियो र विभिन्न रेलवे स्टेशनहरूमा छोडिएको थियो, जहाँबाट उनीहरूलाई घर जान भनिएको थियो।’
के हो घटना ?
२० वर्षीया नेपाली विद्यार्थी प्रकृति लम्साल केआईआईटीमा कम्प्युटर साइन्समा बी–टेक गरिरहेकी थिइन् । उनी आइतबार साँझ उनी आफ्नो होस्टेलको कोठामा मृत फेला परेपछि विरोध प्रदर्शन भएको थियो। प्रारम्भिक अध्ययन अनुसार प्रकृतिले आत्महत्या गरेको देखिएको प्रहरीले जनाएको भारतीय सञ्चारमाध्यम इण्डियन एक्सप्रेसले जनाएको छ ।
नेपालका आक्रोशित विद्यार्थीहरूले केआईआईटी क्याम्पस नजिकै सडक अवरुद्ध गरेका छन्। प्रकृतिले विश्वविद्यालयको अन्तर्राष्ट्रिय सम्बन्ध कार्यालयमा पुगेपछि विश्वविद्यालयका अधिकारीहरूले कुनै कारबाही नगरेको आरोप लगाउँदै उनीमाथि ब्याचमेटले दुर्व्यवहार गरेको आरोप लगाएका छन्।
यसैबीच सोही विश्वविद्यालयमा रहेका उनका ब्याचमेट अद्विक श्रीवास्तव घटनामा मुछिएपछि प्रहरीले सोधपुछका लागि हिरासतमा लिइएको छ । प्रहरीले उनलाई सोधपुछ गरिरहेको र आत्महत्या गर्न दुरुत्साहनको धारा अन्तर्गत एफआईआर पनि दर्ता गरिएको बताएको छ। प्रहरी टोलीले होस्टेलको भ्रमण गरी शव पोस्टमार्टमको लागि क्यापिटल अस्पताल पठाएको इण्डियन एक्सप्रेसले जनाएको छ ।
