काठमाडौँ – नेपाल प्रहरीका प्रहरी महानिरीक्षक (आईजीपी) बसन्त कुँवरले पदोन्नति भएका प्रअरी अधिकृतहरुलाई दर्ज्यानी चिह्न प्रदान गरेका छन् । बिहीबार नेपाल प्रहरी प्रधान कार्यालयमा आयोजित विशेष समारोहबीच प्रहरी महानिरीक्षक बसन्त कुँवरले उनीहरूलाई दर्ज्यानी चिन्हद्वारा सुशोभन गरेका हुन् ।
जस अनुसार दर्ज्यानी चिन्हद्वारा सुशोभित हुनेहरूमा प्रहरी अतिरिक्त महानिरीक्षक (एआईजी) जनक भट्टराई रहेको छन् । मन्त्रिपरिषद्को २०८१ फागुन २१ गतेको निर्णयअनुसार भट्टराईलाई प्रहरी नायव महानिरीक्षक (डीआईजी)बाट (एआईजी) पदमा बढुवा गर्ने निर्णय भएको थियो ।
यस्तै गृह मन्त्रलाय (सचिवस्तर) को २०८१ फागुन २० गतेको निर्णयअनुसार प्राविधिक प्रहरी निरीक्षकबाट प्राविधिक प्रहरी नायव उपरीक्षक पदमा १ जना र प्राविधिक प्रहरी वरिष्ठ नायव निरीक्षकबाट प्राविधिक प्रहरी निरीक्षक पदमा १३ जना गरी जम्मा १५ जना प्रहरी अधिकृतहरू पदोन्नति भएका थिए ।
जस अनुसार प्राविधिक प्रहरी नायव उपरीक्षक डा. बिदुर प्रसाद आचार्यले पनि दर्ज्यानी चिह्न पाएका छन् । यस्तै प्राविधिक प्रहरी निरीक्षकहरू चन्द्रकला शर्मा सुवेदी, सगुन लोहला, उमेश कुमार चौधरी, राजकुमार श्रेष्ठ, बुद्धिमान दोङ (तामाङ) श्याम बहादुर बलायर, हरि बहादुर थापा, अशोक कुमार गुप्ता, नारायण कुमार योगी, काजीमान लामा, कुबेर न्यौपाने, लोकेन्द्र सिंह धामी र सन्तोष थापा मगर दर्ज्यानी चिह्नद्वारा सुशोभित भएका छन् ।