होली पर्व : भक्तपुरमा चिरोथान गरियो

भक्तपुर– फागु पूर्णिमाको आगमनसँगै भक्तपुरमा रङको पर्व होली पर्व सुरु भएको छ ।

फागुण शुक्ल अष्टमीको दिन शुक्रबार भक्तपुर स्थित दत्तात्रयको भिमसेन मन्दिरमा चिर स्वायगू अर्थात चिरोथान होली पर्वको सुरुवात भएको हो । एक हप्ता अघि भक्तपुरको दत्तात्रयमा चिरोथान गरिन्छ ।

नेपाल भाषाबाट लज्ज अर्थात भिमसेनको लिङ्ग प्रतिकको रुपमा काठको मुढालाई नगरको विभिन्न क्षेत्र परिक्रमा गराइन्छ भने पुनः दत्तात्रयमा ल्याएर भिमसेन मन्दिरमा झुन्ड्याएर राख्ने प्रचलन रहेको छ । यस लिङ्गलाई होली पूर्णिमासम्म मन्दिरमा झुन्ड्याएर राखिन्छ ।

होली सुरु भएको दिन कमलपोखरीमा लिङ्ग पखालेर सफा गरि ल्याउने र पूर्णिमाको साँझ सो भिमसेनको लज्जलाई ब्रम्हायणीको खोलामा लगि पखालेर ल्याउने गरिन्छ ।