काठमाडौँ– श्रीलङ्काका लागि नेपालका नवनियुक्त आवासीय राजदूत पूर्ण बहादुर नेपालीले पद तथा गोपनीयताको शपथ ग्रहण गरेका छन् ।
बुधबार शितल निवासमा राष्ट्रपति रामचन्द्र पौडेलसमक्ष नवनियुक्त आवासीय राजदूत नेपालीले शपथ ग्रहण गरेका हुन् ।
समारोहमा नेपाल सरकारका उच्च पदस्थ अधिकारीहरूको उपस्थिति रहेको थियो । मन्त्रिपरिषद्को मंसिर ६ गतेको बैठकले श्रीलंकाको राजदूतमा नेपालीलाई सिफारिस गरेको थियो भने पुष १४ गते संसदीय सुनुवाई समितिले नेपालीको नाम सर्वसम्मत अनुमोदन गरेको थियो ।