नेपाली सेनाका महासेनानीसहित ८ जना बढुवा सिफारिस

काठमाडौँ– नेपाल सेनाका महासेनानी (कर्णेल) प्रशान्तविक्रम राणा सहायक रथी (ब्रिगेडियर जनरल) पदमा पदोन्नति सिफारिस भएका छन्।

सोमबारको मन्त्रिपरिषद बैठकले ७ प्रमुख सेनानीलाई महासेनानीको पदमा बढुवा गर्ने निर्णय गरेको हो। यो बढुवा सेनामा रिक्त रहेका पदहरूलाई पुरा गर्नका लागि गरिएको हो।

महासेनानीको पदमा बढुवा हुने प्रमुख सेनानीहरूमा विजय बस्नेत, प्रदीप थापा, कन्चनकृष्ण बस्नेत, जीवन शर्मा, प्रज्वल थापा, विकास केसी र चन्द्रशेखर काप्री समावेश छन्।

अघिल्लो समयमा महासेनानीहरूलाई सहायक रथीको पदमा बढुवा गरिएपछि हाल रिक्त रहेका स्थानमा उनीहरूको बढुवा गरिएको हो।

पदोन्नति भएका अधिकारीहरूको दर्ज्यानी चिन्ह र पदस्थापन केही दिनमा हुने जानकारी जंगी अड्डाका स्रोतले दिएको छ ।