पहिलो पटक नेकपा एसको पार्टी कार्यालय पुगे प्रधानमन्त्री ओली

काठमाडौँ – प्रधानमन्त्री केपी शर्मा ओलीले आलोकनगरस्थित नेपाल कम्युनिष्ट पार्टी (एकीकृत समाजवादी)को केन्द्रीय कार्यालय अवलोकन गरेका छन् ।

गत शुक्रबार पूर्वराजावादीले तोडफोडबाट क्षतिग्रस्त भएको एकीकृत समाजवादीको कार्यालयमा पुगेर आज उनले कार्यालय अवलोकन तथा क्षतिबारे जानकारी लिए ।

सोही क्रममा प्रधानमन्त्री ओलीसँगै एकीकृत समाजवादी अध्यक्ष माधवकुमार नेपाल, महासचिव घनश्याम भुसाल, वरिष्ठ नेता झलनाथ खनाल, नेकपा (माओवादी केन्द्र)का नेता नारायणकाजी श्रेष्ठलगायत नेता थिए ।

ओली पहिलो पटक एकीकृत समाजवादी पार्टीको कार्यालय पुगेका हुन् । यसअघि एमालेमा विभाजित भएपछि उक्त पार्टी र पार्टी अध्यक्ष माधव नेपालविरुद्ध खरो रुपमा प्रस्तुत हुँदै आएका थिए ।

पार्टी विभाजको ५ वर्षपछि पार्टी कार्यालय नेकपा एसको पार्टी कार्यालयमा प्रधानमन्त्री ओली पुगको भन्दै नेकपा एमालेका नेता महेश बस्नेतले यसलाई अर्थपूर्ण रुपमा हेरिनुपर्ने बताएका छन् ।