अछाममा चितुवाको आक्रमण : १० वटा बाख्रा मरे

अछाम– अछाम जिल्लाको साँफेबगर नगरपालिका–१० मा जंगली जनावर चितुवाले आक्रमण गरी १० वटा बाख्रा मारेको छ।

स्थानीय नवराज बोगटीको ढुंगामाटोले बनेको र जस्तापाताले छाएको कच्ची बाख्राको खोरमा राति चितुवा पसेको हो। चितुवाको आक्रमणबाट खोरमा रहेका सबै १० वटा बाख्रा मरेका छन्।

घटनाको जानकारी प्राप्त भएलगत्तै ईलाका प्रहरी कार्यालय घुघुरकोटबाट खटिएको प्रहरी टोलीले घटनास्थलमा पुगेर आवश्यक विवरण संकलन गरेको छ।

यस घटनाले स्थानीयवासीमा त्रास फैलिएको  छ।