अमेरिकाद्वारा ‘इन्टरनेशनल स्टुडेन्ट भिसा’ मा अस्थायी रोक

काठमाडौँ– अमेरिकी सरकारले विदेशी विद्यार्थीहरूको भिसा प्रक्रियामा अस्थायी रोक लगाएको छ ।

अमेरिकाले सामाजिक सञ्जाल परीक्षण कडा बनाउने नीतिसँगै विदेशी विद्यार्थीको भिसा प्रक्रिया पनि अस्थायी रुपमा रोक्ने निर्णय गरेको हो ।

अमेरिकी विदेश मन्त्रालयले दूतावास र वाणिज्य दूतावासहरूलाई पत्र लेखेर अर्को निर्देशन नआउँदासम्म विदेशी विद्यार्थीहरुलाई भिसा नदिन भनेको अलजजिराले जनाएको छ ।