धनकुटा– धनकुटा नगरपालिका–८, स्थित टेकुनालामा २१ जना यात्रु बोकेको पिकअप दुर्घटना भएको छ । टेकुनालाबाट धनकुटाबजारतर्फ आउँदै गरेको को २ च २३०९ नम्बरको पिकअप बिहान करिब साढे १० बजे दुर्घटना भएको हो ।
ADVERTISEMENT
दुर्घटनामा परि पिकअपमा १७ जना घाईते भएका छन् । उनिहहरुलाई उद्धार गरेर जिल्ला अस्पताल धनकुटा ल्याइएको छ । घाईते हुनेहरुमध्ये ३ जनाको अवस्था गम्भीर रहेको प्रहरीले जनाएको छ ।
ADVERTISEMENT
उनिहरुलाई थप उपचारका लागि धरान स्थित विपि कोईराला स्वास्थ्य विज्ञान प्रतिष्ठान घोपा पठार्ईको प्रहरीले जनाएको छ । अन्य घाईतेहरुको जिल्ला अस्पताल धनकुटामा उपचार भई रहेको जिल्ला प्रहरी कार्यालय धनकुटाले जनाएको छ ।
दुर्घटनामा गम्भीर घाइते हुनेमा धनकुटा नगरपालिका ७ का ६२ वर्षिय गुणराज श्रेष्ठ, धनकुटा नगरपालिका ७ कै ३८ वर्षिय जीत बहादुर श्रेष्ठ र धनकुटा नगरपालिका ८ बस्ने ४५ वर्षिय रेनुका राई रहेका छन् ।
त्यस्तै अन्य घाइतेहरुमा धनकुटा नगरपालिका ८ बस्ने १४ वर्षिया सविना डंगोल, ६४ वर्षिय चन्द्रभक्त डंगोल, ३५ वर्षिय हरीकुमार डंगोल,७२ वर्षिय मोहन डंगोल, २७ वर्षिय राम श्रेष्ठ, टिना डंगोल, १८ वर्षिय रोजिन डंगोल, ५६ वर्षिय रमेश कर्मचार्य, धनकुटा नगरपालिका ७ बस्ने २२ वर्षिय राजन राई, सहिदभूमी गाउँपालिका ४ का २४ आशिस राई रहेका छन् ।
त्यस्तै साँगुरीगढी गाउँपालिका १ बस्ने १६ वर्षिय निशु लिम्बु, मुलघाट बस्ने १२ वर्षिय रोनिया श्रेष्ठ, सिंधुवाका १६ वर्षिय शिव श्रेष्ठ, २४ वर्षिय प्रकाश श्रेष्ठ रहेका छन् । आज गाईजात्राका लागि उनिहरु पिकअपमा धनकुटा बजार आउँदै गरेका थिए ।
